Brigante s
more
L’annu sissantasei!
La mula juncìu a lu fùnnacu
Juncemu a li nuvei.
Iu, doppu tantu pàtiri
Lu juvu mi livai;
cuntenta ca era lìbbira,
cu un si mi maritai.
Sàcusu a quannu fui!
Turnai a la catina!
-A terra! A Terra!- dissiru
la razza marranchina;
e sùbbitu mi scìppanu
la gulera e li circeddi,
la spatuzza d’argentu
e puru li me’ aneddi;
lu mantu mi lu stràzzanu,
si pìgghianu la vesta;
cu bastunati orrìbuli
di mia fìciru festa.
La genti chi mi Vìdinu
‘sta cammisedda sula;
- Cu’ è ‘st’amara fimmina
- Chi va chiancennu nuda? –
E quannu po’ mi v’ttiru
Li carni’nsangunati:
- Oh povira Sicilia! -
- Chianceru di pietati.
Ridutta a la limòsina,
morta di friddu e fami,
la strata haju pri lettu,
quant’hà ch’un viju pani!
Nun cchiù bedda Sicilia
grassa, valenti e leta;
matri di fami e trìvuli,
ognunu mi ‘ncujeta.
Ora tutti mi nòciunu;
mancu a ‘na donna trista
cci vennu ‘sti ‘mpropèrii,
‘na sorti comu chista!
Ddu spusu me’ amabuli
ca mancu mi talìa;
cchiù nun mi guarda e veni,
cu àutri billìa.
Li figghi me’ amurusi
cu iddu si l’ha purtatu;
l’ha spersu a locu stràniu,
li brazza m’ha tagghiatu.
Luntanu, ddà, nun sèntinu
Lu chiantu chi fazz’iu;
cu’ sa, la guerra barbara
quantu mi nni strudìu!
Li re gòdinu a tavula,
lu cori so’ è cuntenti,
a zicchinetta jòcanu
lu sangu di li genti.
Mi vùgghiunu li sàngura
binchì dèbuli tutta:
nun manca, no, lu spìritu
binchì la forza è rutta.
Dari ‘na forti scossa:
ha’ a vèniri ‘ssu munentu!
E comu si po’ sòffriri
‘stu granni tradimentu?
Su’ tanti l’angarìi!
Fruttatu e funnuària,
tàscia ricchizza mòbbili,
pòlisa strafalària!
Li gran pezzi di dùdici
vularu a chiddi parti;
gran cànciu chi mi dèttiru
cu ‘sti galanti carti!
Lu tempu è fattu nìuru,
vìnniru arre’ li lutti:
comu si po’ resistiri?
hâmu a tiniri tutti?
Sentu friscura d’àriu,
lu celu è picurinu;
‘nca cc’è spiranza, populi,
la burrasca è vicinu!
Allerta allerta sunnu li patruni,
allerta allerta su ‘menzu a li chiazzi
Allerta allerta sunnu li patruni,
attentu allerta su ‘menzu a li chiazzi
Allerta allerta sunnu li parrini,
allerta allerta sunnu senza Diu.
Allerta allerta sunnu li parrini,
allerta allerta sunnu senza Diu.
Allerta allerta sunnu li mariuoli,
allerta allerta su comu e buttani
Allerta allerta sunnu li mariuoli,
attentu allerta su comu e buttani
Allerta allerta su li tradituri
allerta allerta sunnu arreri ‘i spaddi
Allerta allerta su li tradituri
allerta allerta sunnu arreri ‘i spaddi
Allerta allerta ti vonnu sbranari,
allerta non ti fari cchiù manciari
Allerta allerta ti vonnu sbranari,
attentu non ti fari cchiù manciari
Allerta allerta ti vonnu ‘ccattari,
allerta non ti fari prizzuliari
Allerta allerta ti vonnu ‘ccattari,
allerta non ti fari prizzuliari
Allerta allerta su li mafiusi,
allerta allerta su vistuti bboni
Allerta allerta su li mafiusi,
attentu allerta su vistuti ‘i novu
Allerta allerta su li cavaleri,
allerta allerta su ‘nta li palazzi
Allerta allerta su li cavaleri,
attentu allerta su ‘nta li palazzi.
Allerta allerta su li baruneddi,
allerta allerta su ‘nta li vaneddi
Allerta allerta su li baruneddi
attentu allerta su ‘nta li vaneddi,
Allerta allerta su li fascistuni,
allerta allerta su senza cammisa,
Allerta allerta su li fascistuni
attentu allerta su senza divisa.
Allerta allerta si vonnu parrari
allerta ‘ntuppa aricchi e non scutari
Allerta allerta si vonnu parrari
attentu ‘ntuppa aricchi e non scutari
Allerta allerta ti vonnu attaccari,
allerta non ti fari mai pigghiari,
Allerta allerta ti vonnu attaccari
attentu scappa e non ti fari pigghiari.
Portimi luntanu cu la menti
Portimi luntanui a passiari
Fammi talari l’acqua di lu mari
Nun m’abbannunari.
Lassimi ‘nta l’occhi lu to risu
Lassimi ‘nta l’occhi u paradisu
Fammi assapurari, l’acqua di lu mari
Lassimi bagnari.
Cantimi cuntentu a to canzuna
Cantila cuntentu cu la luna
Lassimi ‘nto cori, sulu ddu paroli
Fammi suspirari.
Dimmi chi la vita non è amara
Dimmi chi sta notti havi a finiri
Basta na parola sul una parola
Pi fari jurnari.
Olì, olì, olà,
pocu paroli
palazzu fabbricà, olì, olì, olà,
palazzu fabbricatu menzu a lu mari.
Menzu a lu mari c’è na villa nova
veni lu ventu e là, olì, olì, olà,
veni lu ventu e la mmutta a la praia.
Tolla lichiti, tolla llà
tolla lichiti, tolla llà
tolla lichiti, tolla llà
tolla lla lla llà.
Ci stà na picciuttedda mariola
di nomi ci mittemu olì, olì, olà
di nomi ci mittemu camiola.
Teni li capidduzzi bruni e rizzi
e ssi li ‘ntrizza a la olì, olì, olà,
e ssi li ‘ntrizza a la palermitana.
Tolla lichiti.........
Sentu dintra la notti u ventu a mari
forza non havi cchiù l’anima mia
ora chi su arrivatiu a menza via
chianciu pi non aviri fantasia
Viju sulu a me ammira passiari
Commu n’aceddu zoppu e senza ali
Vaju circannu a tia pi cunfortu
Cielu cu mi mannau sta malasorti.
Pensu a comm’era jautu lu suli
Quantu era ranni u celu ogni matina
Milli coluri c’erunu di sira
Ora c’è sulu scuru e non ti viju
Sentu ‘nta l’aria fetu di bruciatu
Commu haju a fari pi stutari u focu
Mi manca l’acqua e puru li ramagghi
Moru pinsannu a tia stidda cadenti.
Nun durmiti no cu tantu sonnu
chi lu tantu dormiri vi fa dannu
cca c’è lu vostru amanti a stu cuntornu
cu strumenti d’amuri e va sunannu,
sona di prima sira sina a jornu
sona pri quantu jorna c’è ‘ntra un annu
pi quantu beddi c’è ‘ntra stu cuntornu
tu sula mi fa iri pazziannu
Di quannu ch’Iu ti visti a primu stanti
figghiuzza mi trasisti ‘nta la menti
e li biddizzi to ca foru tanti
m’hannu livatu a mia li sintimenti.
Bedda, si stassi un’ura a li to canti
la mia allirizza a lu celu si senti;
parola ti nni dugnu cara amanti
moru schettu pri tia e moru cuntenti.
Sanguzzu duci sanguzzu riali
sanguzzu a fari zoccu vogghiu Iu,
tu cu sta genti nun ci ha praticari
massimamenti cu ccu dicu Iu.
Cu l’acqua stissa tu nun t’ha lavari,
ca puramenti mi nni gilusiu
quannu ssa bedda facci ta lavari
ti l’ha lavari cu lu sangu miu.
e non sacciu mancu pirchì,
e non rinesciu a capiri pirchì.
E me messaggi non m’arrispunni
e non sacciu mancu pirchì,
e me paroli non m’arrispunni
ma rinesciu a sapiri pirchì.
Stamu vicinu e semu luntani
e non sacciu mancu pirchì,
stamu vicinu ma semu luntani
ma non rinesciu a capiri pirchì.
Forsi è troppu bedda pi me
e non sacciu mancu pirchì,
forsi è troppu bedda pi me
ma non rinesciu a sapiri pirchì.
Mali jurnati, pinseri malati,
facci ‘mputenti, nuttati satati,
tempu chi fuji, chi si nni va
chiu nun t’ascuta chi nenti ti dà
vita scantata di lepri rintanata
ciatu pizzatu di corpu umiliatu
curricci appressu, non è tempu persu
ridici ‘nfacci pigghiala ‘i pettu
diventa patroni di to pensamenti
ama li genti non disprizzari nenti
ancora na vota gira la rota,
falla furriari e non la firmari
jurnati di sujli cieli splinnenti
vita di liuni risati chi denti
ballati e bevuti, facci addivirtuti
animi perduti n’atra vota ritruvati
vita jo ti cantu, luntanu è lu scantu
cu forze curaggiu lu munnu mi lu mancia.
Gira gira la rota gira
‘nta lu paisi di l’allegria
C’era un vecchiu chi dicia
Lampi trona e scupittati.
Tutti quanti cu babbiu
Fannu d’iddu unu pazzu
Li sentimenti chi pirdiu
Pi na fimmina du spiazzu
Senza aria rispiramu
Acqua ventu gelu e focu
Basta sulu chi parramu
Sti paroli nun su jocu
Bruttu mali è lu silenziu
E puru non si vidi e non si senti
Comu e vecchi cu lu daziu
Na strisciata di serpenti
‘cca la mafia è un serpenti
Gridamu tutti e japremu l’occhi
Ora nuddu cchiù faci nenti
E puru su quantu li pidocchi.
Ora vinni chi ‘nta stu statu
Ti salutanu e si pigghianu u cafè
Chisti l’hai a porta a latu
E l’accettamu commu e pepè.
